Bakllava turke Featured

Category: 

Bakllavaja është ëmbëlsira që nuk mungon në tavolinat tona në festat e fundvitit. Kjo recetë që ne japim këtu është ajo e bakllavasë turke që është më e lehtë se ajo klasikja . Duhet pak durim për përgatitjen e kësaj ëmbëlsire, por mundimi ia vlen kur kënaqim familjarët tanë.

Easy
Fairly cheap
Preparation time
Cooking time

Ingredients

For 12 Person(s)

Bakllava turke

  • 700 gr miell
  • 200 ml vaj misri
  • 70 ml qumesht
  • 70 ml kos
  • 2 te verdha veze
  • 1 veze e plote
  • 1 luge gjelle limon i shtrydhur
  • 600 gr gjalpe i shkrire
  • pak niseshte
  • 500 gr arra te qeruara e te grira

Sherbeti

  • 1.2 l uje
  • 1.8 kg sheqer
  • pak vanilje dhe karafil(sipas deshires)

Bakllava turke Directions

  1. Pergatitja per bakllava turke 
  2. Sitet mielli dhe hapet në formë rrethore. Hidhen të gjithë përbërit brenda përveç gjalpit. Përzihet masa me dore duke marrë pak nga pak miell, derisa të laget e gjithë masa e miellit. Ngjishet brumi si brumë byreku dhe mbështillet me qeskë kuzhine dhe lihet për një orë të pushojë.Më pas merret brumi dhe ndahet në tetë pjesë.
  3. Çdo pjesë ndahet në 10 toptha të vegjël. Merren 10 të parët dhe hapen me diametër rreth 20 cm duke i spërkatur vetëm njëherë me niseshte. Pasi janë hapur të 10 petët e para me diametër 20 cm, vendosen njëra mbi tjetrën. Bëhet një kryq me pec (okllahi) mbi petët duke i shtrënguar që të mos lëvizin.
  4. I hapim petët njëherësh me pec (okllahi) sa diametri i tepsisë që kemi. I shtrojmë në tepsi. Hedhim shtresën e parë të arrave.
  5. Kështu vazhdojmë edhe me pjesët e tjera të brumit. Mbasi kemi hedhur dhe shtresën e fundit të petëve, e presim bakllavanë me kujdes në formë rombi dhe sipër  hidhet  gjalpi i shkrirë i nxehtë.Fusim bakllavanë të piqet ne furrë të nxehtë.
  6. Piqet për 2 orë në temperaturën 100°C dhe 30 minuta në 150°C, (koha e pjekjes varet edhe nga lloji i sobës). Duhet të shohim që bakllavaja sipër të ketë marrë një ngjyrë të bukur. Pasi është pjekur, nxjerrim bakllavanë dhe e lemë të ftohet.Sherbeti për bakllava turke hidhet 24 orë pas pjekjes.
  7. Përgatitja e sherbetit të Bakllavasë
  8. Pasi vlon uji, hidhet 1.8 kg sheqer, vanilje, karafil sipas dëshirës. Pasi vlon për 5 minuta, e heqim nga zjarri dhe e lemë të ftohet pak dhe e hedhim sipër bakllavasë.Lemë bakllavanë të ftohet komplet dhe e shërbejmë në copa.
  9. Ju bëftë mirë !

Be the first to post a review

You must be logged in to review

Top