Supe me peshk
Category:
Supe me peshk është një pjatë shumë e shijshme, me bazë peshq të ndryshëm. Duhet pak kohë e durim në përgatitjen e kësaj pjate, por i gjithë mundimi ia vlen kur shijon këtë supë e cila e trasformon drekën në një sukses të vërtetë.
Easy
Fairly expensive
Email
PrintSimilar recipes
Preparation time
Cooking time
Ingredients
For 4 Person(s)
Supe me peshk
- 1 kg peshk i ndryshem ( shojze deti, shkrep,shapke,peshk kovac, ngjale deti,peshk bishtuk)
- 500 gr kallamare
- 500 gr sepie
- 2 kg midhje
- 2 kg xhivalle
- 500 gr domate te vogla te fresketa
- 2 dege selinoje
- 2 qepe
- 1 karrote
- pak vaj ulliri
- pak kripe
- 1 spec djeges
- 3 thelpinj hudhre
- pak majdanoz i grire
- pak piper
- 2 gota vere te bardhe
Supe me peshk Directions
- Lani mirë gjithë peshkun. Sepiet dhe kallamarët pritini në rrathë. Pastroni karkalecat. Me anën e majës së një thike të mprehtë, prisni të gjithë peshkun në fileto duke pasur kujdes të hiqni të gjitha halat dhe lëkurën. Kockat e peshkut i hidhni në një tenxhere, shtoni 1 qepë, karotën, dhe një degë selinoje. Hidhni në të 1 litër e gjysmë ujë dhe liheni të ziejnë përreth 40-50 minuta. Më pas kullojeni mirë me një copë të pastër lëngun e përgatitur.
- Në një tenxhere të madhe hidhni vaj ulliri dhe një thelpi hudhre. Shtoni në të frutat e detit ( midhjet, karkalecat dhe xhivallet). Shuheni me një gotë verë të bardhë dhe lëreni në zjarr derisa të hapen të gjitha frutat e detit. Më pas qërojini dhe lëngun e përgatitur kullojeni mirë.
- Në një tjetër tenxhere të madhe ku keni hedhur vaj ulliri skuqni qepen e grirë, hudhrën dhe specin djegës. Shtoni më pas domatet e qëruara e të prera në copa. Pasi janë kavërdisur mirë shtoni një gotë verë të bardhë dhe lëreni të ziejë përreth 20 minuta.
- Më pas filloni të shtoni peshkun një nga një. Në fillim shtoni kallamarët, sepiet e më pas peshqit e tjerë duke filluar nga ata që duhet të zihen më shumë ( peshku bishtuk ) e më pas gjithë peshqit e tjerë me radhë. Shtoni pastaj lëngun e përgatitur me frutat e detit dhe lëngun e përgatitur me kockat e peshkut. Hidhini kripë e piper dhe mbulojeni me kapak. Lëreni të ziejë derisa lëngu të trashet. Në fund shtoni frutat e detit. Trazoheni mirë, shtoni majdanoz të grirë hollë.
- Supën e përgatitur e hidhni në pjata, sipër vendosni feta buke të thekur të lyera me vaj ulliri e hudhër. Shërbejeni supën të ngrohtë.
- Ju bëftë mirë !
|
|
