Mishi i kuq duhet të jetë në formë të fileve dhe shumë i hollë për nga trashësia.Rrihet me çekan të kuzhinës dhe kriposet pak me kripë dhe piper.
Spinaqi pastrohet me ujë dhe grimcohet shumë imët.½ e qepës coptohet dhe vendoset në një enë me 50 gr margarinë.
Fërgohet qepa mirë dhe në të vendoset spinaqi i grimcuar, në këtë masë shtojmë edhe një gotë të vogël me ujë dhe 2 vezë në mënyrë që të zbutet spinaqi dhe të krijohet një masë e njëtrajtshme.
Pasi të kavërdiset spinaqi në mishin e petëzuar hedhim mbi të masën nga spinaqi në formë të shtrirë.
Mbi të hedhim djathin e prerë nëpër të gjithë pjësen e mishit dhe spinaqit.Veprojmë kështu derisa ta përfundojmë të gjithë masën.
Mishi bashkë me spinaqin rrotullohet në fomë të rolesë dhe vendoset në një enë të rrafshët me 1 gotë ujë dhe e gjithe kjo vendoset në furrë.
Nëse mishi nuk qëndron në formë të rolesë lidheni me penjë të kuzhinës.Në furrë ushqimi qëndron për 30 -40 min në tem 200 gradë.
Mos e rrisni temperaturën pasi mund ta thani mishin sepse është i hollë.
Kur nxirret nga furra prijeni në pjesë të holla dhe servireni në pjatë.
Ju bëftë mirë!