Fillimisht presim në feta të holla kungulleshkat. Në një tigan hedhim katër lugë vaj dhe skuqim qepen deri sa të marrë ngjyrë , të cilën e kemi prerë hollë.
Pasi të ketë marrë ngjyrë shtojmë kungujt, kripë, piper dhe i lemë të skuqen në zjarr të mesëm për rreth 7-8 minuta.
Në një mikser hedhim gjethet e borzilokut dhe 2/3 e kungulleshkave. Shtojmë gjysmën e dy djathërave. E përziejmë masën në mikser derisa të krijojmë një masë homogjene.
Ziejmë makaronat në ujë të kripur. Pasi t’i kemi kulluar, shtojmë salcën e përgatitur, pak vaj dhe pjesën e mbetur të kungulleshkave.
Në një tavë hedhim pak vaj dhe më pas makaronat. Shtojmë kikirikët dhe pjesën e mbetur të djathërave.
Makaronat i pjekim për rreth 35 minuta në furrë me 180 gradë, të ngrohur më parë.
Ju befte mire !