Lakror misri me lakra te egra
Category:
Lakror me miell misri e lakra të egra është një pjatë e shijshme dhe e shëndetshme. Në vend të lakrave mund të vendosim edhe spinaq ose hithra. Një copë lakrori e shoqëruar me një gotë kos të bardhë është një darkë e lehtë dhe e shijshme.
Super easy
Cheap
Email
Print
Preparation time
Cooking time
Ingredients
For 4 Person(s)
Lakror
- 1.5 kg lakra te egra
- 1 gote miell misri
- 0.5 gote qumesht
- 2 luge gjelle gjiz ose 100 gr djathe i bardhe
- 20 gr gjalpe
- 2 luge gjelle vaj ulliri
- pak kripe
- pak piper
- 5 gjethe menderz(nenexhik)
- 2 qepe te njoma
Lakror misri me lakra te egra Directions
- Lajmë lakrat mirë në ujë të bollshëm. Lajmë edhe qepët e njoma. Më pas i kullojmë.
- Në një tenxhere të madhe, hedhim vaj ulliri. Grijmë hollë qepët e njoma dhe i kavërdisim pak. Më pas shtojmë lakrat e egra. Hedhim pak kripë dhe një filxhan ujë. Mbulojmë tenxheren me kapak dhe lemë që të ziejnë me zjarr të ngadaltë derisa lakrat të jenë zbutur.
- Heqim tenxheren nga zjarri dhe hedhim lakrat në një enë dhe i lemë të ftohen pak. Shtojmë gjizën ose djathin e copëtuar, gjethet e nenexhikut dhe pak piper. I trazojmë mirë bashkë.
- Në një enë tjetër hedhim miellin e misrit dhe qumështin. I trazojmë mirë.
- Lyejmë me pak gjalpë një tavë dhe hedhim në të më shumë se gjysmën e miellit të përgatitur me qumësht. E rregullojmë mirë me lugë në mënyrë që të mbulojë gjithë sipërfaqen e tavës. Shtojmë sipër edhe përgatitjen me lakra. I sheshojmë edhe këto të fundit. Sipër hedhim miellin që ka mbetur dhe pak gjalpë.
- Vendosim tavën të piqet në furrë të nxehtë 200°C përreth 30 minuta ose derisa të shohim që sipër është pjekur.
- Më pas e lemë të ftohet dhe e presim në copa.
- Servirim lakrorin me kos të freskët.
- Ju bëftë mirë!
|
|
